اسلام آباد ہائی کورٹ نے وکلاء کے لیے عدالتی کارروائی کے دوران گاؤن پہننے کی شرط ختم کر دی ہے۔ چیف جسٹس کے احکامات کی روشنی میں جاری کیے گئے اس فیصلے کا اطلاق یکم اپریل 2026 سے ہو گا۔
ڈپٹی رجسٹرار جنرل کی جانب سے جاری کردہ باضابطہ نوٹیفکیشن کے مطابق وکلاء کے لیے گاؤن پہننے کی روایت تاحکم ثانی معطل رہے گی۔ اس اقدام کے بعد اب وکلاء عدالت میں پیشی کے دوران گاؤن پہننے کے پابند نہیں ہوں گے۔
عدالتی حکم نامے میں واضح کیا گیا ہے کہ یہ نئی پالیسی یکم اپریل 2026 سے نافذ العمل ہوگی اور آئندہ احکامات تک برقرار رہے گی۔
