راولپنڈی کے جوڈیشل کمپلیکس میں ایڈیشنل ڈسٹرکٹ اینڈ سیشن کورٹس نے قتل کے تین مختلف مقدمات کا فیصلہ سناتے ہوئے تین مجرمان کو کڑی سزائیں سنا دی ہیں۔ عدالت نے مجرمان کو سزائے موت، عمر قید اور بارہ سال قید بامشقت کی سزائیں سنائی ہیں۔
عدالتی فیصلے کے مطابق مجرمان پر مجموعی طور پر چودہ لاکھ چوہتر ہزار روپے دیت و ارش، گیارہ لاکھ روپے ہرجانہ، ایک لاکھ دس ہزار روپے ضمانتی مچلکے اور ساٹھ ہزار روپے جرمانہ بھی عائد کیا گیا ہے۔
مذکورہ تینوں مجرمان ارتکاب جرم کے بعد روپوش ہو گئے تھے تاہم پولیس نے کارروائی کرتے ہوئے انہیں گرفتار کر کے آلہ قتل بھی برآمد کر لیے تھے۔
اپنے فیصلے میں عدالت نے سزائے موت پانے والے دو مجرمان کے بارے میں حکم دیا ہے کہ انہیں تختہ دار پر لٹکا کر موت واقع ہونے تک پھانسی دی جائے۔ سزا سنائے جانے کے بعد تینوں مجرمان کو اڈیالہ جیل منتقل کر دیا گیا ہے۔
