صدر مملکت آصف علی زرداری اور وزیراعظم شہباز شریف نے بنوں میں نادرا دفتر کے باہر دہشت گردی کے واقعہ کی شدید مذمت کی ہے۔ پیر کے روز پیش آنے والے اس افسوسناک واقعہ میں دو پولیس کانسٹیبل رفیع اللہ اور گل شاہ نور شہید ہو گئے۔
اپنے الگ الگ بیانات میں صدر اور وزیراعظم نے شہداء کے درجات کی بلندی کے لیے دعا کی اور سوگوار خاندانوں سے دلی ہمدردی اور تعزیت کا اظہار کیا۔
اعلیٰ قیادت کا کہنا تھا کہ حکومت ملک سے دہشت گردی کی لعنت کو جڑ سے اکھاڑ پھینکنے کے لیے پرعزم ہے۔ انہوں نے اس عزم کا اعادہ کیا کہ مادر وطن کے تحفظ کے لیے دی گئی قربانیاں رائیگاں نہیں جائیں گی۔
