سابق گورنر پنجاب اور سینئر سیاستدان سردار ذوالفقار علی خان کھوسہ کی نماز جنازہ ماڈل ٹاؤن کے اسپورٹس اسٹیڈیم میں ادا کر دی گئی۔ نماز جنازہ میں ہزاروں افراد نے شرکت کی اور آنجہانی کو ان کی آخری آرام گاہ تک پہنچایا۔
مرحوم کی آخری رسومات میں سیاسی، سماجی اور انتظامی شخصیات کی بڑی تعداد موجود تھی۔ اس موقع پر گورنر پنجاب سردار سلیم حیدر خان، سابق چیف سیکریٹری پنجاب ناصر محمود کھوسہ، سابق گورنر سردار لطیف کھوسہ اور رفیق رجوانہ نے شرکت کی۔ سینئر سیاستدان جاوید ہاشمی کے علاوہ اراکینِ صوبائی اسمبلی محمد حنیف پتافی، اسامہ عبدالکریم، سردار احمد خان لغاری، خواجہ صلاح الدین اور خواجہ نظام محمود بھی جنازے میں موجود تھے۔
قبائلی عمائدین میں سردار جمال خان لغاری اور سردار میر بادشاہ خان قیصرانی نے بھی شرکت کی۔ اس کے علاوہ سابق ارکان قومی و صوبائی اسمبلی، کمشنر اشفاق احمد چوہدری، آر پی او اظہر اکرم، ڈی پی او صادق بلوچ اور ڈپٹی کمشنر محمد عثمان خالد سمیت اعلیٰ سرکاری افسران نے بھی مرحوم کی نماز جنازہ میں شرکت کی۔
