نوڈیرو میں پاکستان پیپلز پارٹی کے چیئرمین بلاول بھٹو زرداری اور فریال تالپور سے میئر لاڑکانہ انور علی نواز لوہار نے بھٹو ہاؤس میں ملاقات کی۔
ملاقات کے دوران میئر لاڑکانہ نے چیئرمین بلاول بھٹو زرداری اور فریال تالپور کو عید کی مبارکباد پیش کی۔
اس موقع پر میئر انور لوہار نے شہر میں جاری ترقیاتی منصوبوں پر پارٹی قیادت کو تفصیلی بریفنگ دی۔
چیئرمین بلاول بھٹو زرداری نے میئر لاڑکانہ کی کارکردگی پر اطمینان کا اظہار کرتے ہوئے ہدایت کی کہ عوامی نمائندے شہریوں کو بنیادی سہولیات کی فراہمی کے لیے دن رات محنت کریں۔
ملاقات میں رکن سندھ اسمبلی جمیل سومرو بھی موجود تھے۔
