پاکستان علماء کونسل کے چیئرمین حافظ محمد طاہر محمود اشرفی نے کہا ہے کہ پاکستان خطے میں امن کے قیام کے لیے کلیدی کردار ادا کر رہا ہے۔ لاہور میں پریس کانفرنس سے خطاب کرتے ہوئے انہوں نے کہا کہ آج کا پاکستان پہلے سے کہیں زیادہ مستحکم اور مضبوط ہے۔
حافظ طاہر اشرفی کا کہنا تھا کہ ایران، اسرائیل اور امریکہ کے مابین بڑھتی ہوئی کشیدگی کے اس نازک دور میں پاکستان عالمی سطح پر خصوصی توجہ کا مرکز بنا ہوا ہے۔ انہوں نے زور دیا کہ پاکستان کی سلامتی ہی ہماری بقا کی ضمانت ہے اور اگر پاکستان قائم ہے تو ہی ہم سب کا وجود ہے۔
انہوں نے خبردار کیا کہ دشمن عناصر ملک کے اندر انتشار اور تفرقہ پیدا کرنے کی سازشیں کر رہے ہیں جنہیں ناکام بنانا وقت کی اہم ضرورت ہے۔ اس موقع پر انہوں نے اسرائیل کی جانب سے جاری جارحیت کی شدید الفاظ میں مذمت کی۔
