لاہور کے علاقے اکبری گیٹ کے قریب دیوار گرنے کا افسوسناک واقعہ پیش آیا ہے جس کے نتیجے میں پانچ سالہ بچی جاں بحق ہو گئی۔
ڈپٹی کمشنر لاہور محمد علی اعجاز نے جائے وقوعہ کا دورہ کرنے کے بعد بتایا کہ اکبری گیٹ پر نالے کے قریب ایک رکشہ کھڑا تھا جس میں بچی سوار ہوئی۔ اسی دوران نالے کی دیوار اچانک زمین بوس ہو گئی جس سے رکشہ نالے میں جا گرا۔
حادثے کے نتیجے میں رکشے میں موجود پانچ سالہ بچی نالے میں گر کر موت کے منہ میں چلی گئی۔
ڈپٹی کمشنر کے مطابق ضلعی انتظامیہ کی ٹیمیں فوری طور پر موقع پر پہنچ گئیں اور واقعے کے تمام پہلوؤں کا جائزہ لیا جا رہا ہے۔
