محکمہ اسکول ایجوکیشن پنجاب نے صوبے بھر کے تعلیمی اداروں کے لیے چار روزہ تعلیمی ہفتے کا باضابطہ نوٹیفکیشن جاری کر دیا ہے۔
نئے احکامات کے مطابق پنجاب کے تمام سرکاری اور نجی اسکول جمعہ، ہفتہ اور اتوار کے روز بند رہیں گے۔
پیر سے جمعرات تک تعلیمی سرگرمیوں کا آغاز صبح آٹھ بجے ہوگا جبکہ اسکولوں کی چھٹی دوپہر ایک بج کر تیس منٹ پر ہوا کرے گی۔
ڈبل شفٹ والے اسکولوں کے لیے جاری ہدایات کے مطابق پہلی شفٹ دوپہر ساڑھے بارہ بجے ختم ہوگی جبکہ دوسری شفٹ دوپہر ایک بجے سے شام ساڑھے پانچ بجے تک جاری رہے گی۔
دوسری جانب سندھ کے تعلیمی اداروں میں تعلیمی ہفتہ بدستور پانچ روز پر محیط رہے گا اور وہاں اسکول معمول کے مطابق کام کریں گے۔
