تہران نے خطے میں کشیدگی کو کم کرنے اور امن و استحکام کے فروغ کے لیے پاکستان کی سفارتی کوششوں کا خیرمقدم کیا ہے۔
اسلام آباد میں تعینات ایرانی سفیر رضا امیری مقدم نے کہا ہے کہ ایران خطے میں امریکی اور اسرائیلی جارحیت کو روکنے کے حوالے سے پاکستان کے کردار کو قدر کی نگاہ سے دیکھتا ہے۔
ایرانی سفیر کا کہنا تھا کہ پاکستان کی فعال سفارت کاری خطے میں امن اور پائیدار استحکام کے قیام کے لیے ناگزیر ہے اور اس اقدام کو سراہا جانا چاہیے۔
رضا امیری مقدم نے مزید کہا کہ ایران ان تمام مخلصانہ کوششوں کا خیرمقدم کرتا ہے جو خطے میں امن کی بحالی کے لیے کی جا رہی ہیں۔
ان کا کہنا تھا کہ ایران کے خلاف غیر منصفانہ اور غیر قانونی جارحیت کے خاتمے کے ذریعے سفارت کاری کو بحال کرنے اور عالمی اعتماد کی بحالی کے لیے پاکستان کی کاوشیں انتہائی قابل ستائش ہیں۔
