یوکرین نے روس کے زیر کنٹرول لوہانسک کے علاقے میں بیلو ریچینسکا کوئلے کی کان پر حملہ کیا ہے جس کے نتیجے میں بجلی کا ذیلی اسٹیشن تباہ ہو گیا اور 41 کان کن زمین کے نیچے پھنس کر رہ گئے ہیں۔
ماسکو کی جانب سے تعینات کیے گئے علاقائی سربراہ لیونڈ پاسچنک نے پیر کے روز اس واقعے کی تصدیق کرتے ہوئے بتایا کہ متعلقہ ادارے کان کنوں کو بحفاظت نکالنے اور بجلی کی فراہمی بحال کرنے کے لیے ہنگامی اقدامات کر رہے ہیں۔
لیونڈ پاسچنک کے مطابق پھنسے ہوئے کان کنوں سے رابطہ قائم ہو چکا ہے۔ انہوں نے مزید بتایا کہ کان کنوں کے پاس پینے کے پانی کی سپلائی موجود ہے جس سے ان کی جان بچانے کے لیے امدادی ٹیموں کو کچھ مہلت مل گئی ہے۔
