چین نے امید ظاہر کی ہے کہ متعلقہ فریقین امن کے موقع کو غنیمت جانتے ہوئے مذاکرات کے ذریعے اپنے اختلافات کو ختم کریں گے۔ یہ بات چینی وزارت خارجہ کی ترجمان ماؤ ننگ نے منگل کے روز ایک باقاعدہ پریس بریفنگ کے دوران کہی۔
ترجمان سے جب پاکستان کی ثالثی میں پیش کردہ امریکی جنگ بندی کی تجویز مسترد ہونے کے حوالے سے سوال کیا گیا تو انہوں نے کہا کہ چین امن کے لیے کی جانے والی ہر کوشش کا خیرمقدم کرتا ہے اور پاکستان کی فعال ثالثی کی کوششوں کی حمایت کرتا ہے۔
ماؤ ننگ کا مزید کہنا تھا کہ جلد از جلد جنگ بندی کا حصول اور مذاکرات کی بحالی پوری عالمی برادری کی مشترکہ خواہش ہے۔ انہوں نے واضح کیا کہ چین اس سلسلے میں اپنا تعمیری کردار ادا کرنے کے لیے تیار ہے۔
