کراچی پریس کلب میں صحافیوں اور ان کے اہل خانہ کی سہولت کیلئے دو روزہ ڈرائیونگ لائسنس کیمپ کاانعقاد کیاگیا جس میں سیکڑوں کی تعداد میں ممبران اور ان کے اہل خانہ مستفید ہوئے۔ کیمپ کا انعقاد بلاشبہ کلب کے عہدیداروں کا قابل ستائش اقدام تھا۔
ڈرائیونگ لائسنس کیمپ کے دوران کراچی پریس کلب کے عہدیداروں فاضل جمیلی، رضوان بھٹی نے کہا کہ اس پر آشوب دور میں جہاں صحافیوں کو قدم قدم پر مشکلات کا سامنا ہے کے پی سی کی قیادت ان مشکلات میں کمی کیلئے ہمہ تن گوش کوشاں رہتی ہے۔ انہوں نے اس عزم کا اظہار کیا کہ ایسے اقدامات جاری رہیں گے جس سے صحافی برادری کیلئے آسانیاں پیدا کی جاسکیں۔
دو روزہ کیمپ میں لرننگ لائسنس اور پرانے لائسنس کی تجدید کی گئی۔مجموعی طور پر 600 سے زائد ممبران اور انکے اہل خانہ نے لرننگ لائسنس بنوائے جبکہ مستقل لائسنسوں کی تجدید کروائی۔
کیمپ کے منتظم جوائنٹ سیکرٹری کے پی سی ثاقب صغیر تھے۔
کراچی پریس کلب کے صدرفاضل جمیلی اور سیکرٹری محمدرضوان بھٹی نے ڈی ایل برانچ کی ٹیم کا شکریہ ادا کیا،انہوں نے کہا کہ کراچی پریس کلب آئیندہ بھی اپنے اراکین اور انکے اہل خانہ کے لئیے اس طرح کی سہولیات مہیا کرنے کیلئے کوشاں رہے گا۔
