نیویارک میں اقوام متحدہ کے لیے پاکستان کے مستقل مندوب عاصم افتخار نے پیر کے روز کہا ہے کہ پاکستان تنازعات کے پرامن حل کی ہر کوشش کی حمایت جاری رکھے گا۔
اقوام متحدہ کی سلامتی کونسل کو یوکرین کی صورتحال پر بریفنگ دیتے ہوئے انہوں نے واضح کیا کہ پاکستان عالمی سطح پر، یوکرین یا کہیں بھی اختلافات کو کم کرنے اور تنازعات کو پرامن طریقے سے حل کرنے کی ہر کاوش کی مکمل تائید کرتا ہے۔
عاصم افتخار نے تمام فریقین پر زور دیا کہ وہ تحمل کا مظاہرہ کریں، کشیدگی میں کمی لائیں اور معاملات کو بات چیت اور سفارت کاری کے ذریعے حل کرنے کی راہ اپنائیں۔
انہوں نے اس بات پر بھی زور دیا کہ بین الاقوامی قوانین اور اقوام متحدہ کے چارٹر کے اصولوں کی مکمل پاسداری کو یقینی بنایا جانا وقت کی اہم ضرورت ہے۔
