وفاقی وزیر برائے امور کشمیر، گلگت بلتستان اور سیفران انجینئر امیر مقام نے پیر کے روز گورنر ہاؤس کراچی میں سندھ کے گورنر محمد نہال ہاشمی سے ملاقات کی۔ اس موقع پر انجینئر امیر مقام نے محمد نہال ہاشمی کو گورنر سندھ کا عہدہ سنبھالنے پر مبارکباد پیش کی۔
ملاقات کے دوران کراچی میں امن و امان کی صورتحال، شہر کی تجارتی اہمیت اور معاشی سرگرمیوں پر تفصیلی تبادلہ خیال کیا گیا۔ دونوں رہنماؤں نے گلگت بلتستان کی صورتحال، امور کشمیر اور علاقائی مسائل پر بھی غور و خوض کیا۔
بات چیت کے دوران ماحولیاتی تبدیلیوں سے نمٹنے، سمندری آلودگی کے خاتمے اور ماحولیاتی تحفظ کے اقدامات بھی زیر غور آئے۔
گورنر سندھ محمد نہال ہاشمی نے کہا کہ موجودہ حکومت ہر مشکل گھڑی میں عوام کے شانہ بشانہ کھڑی ہے۔
