بھارت کی ریاست چھتیس گڑھ کے جنگلات میں ایک چھوٹا طیارہ گر کر تباہ ہو گیا جس کے نتیجے میں پائلٹ اور کو پائلٹ ہلاک ہو گئے۔
بھارتی میڈیا کے مطابق طیارہ ریاست کے ایک دور افتادہ جنگلی علاقے میں حادثے کا شکار ہوا۔ حادثے کی اطلاع ملتے ہی مقامی انتظامیہ اور امدادی اداروں کو فوری طور پر جائے وقوعہ کی جانب روانہ کر دیا گیا۔
حکام کا کہنا ہے کہ ریسکیو ٹیمیں کریش سائٹ پر پہنچ کر امدادی کارروائیوں میں مصروف ہیں تاکہ لاشوں کو نکال کر ضابطے کی کارروائی مکمل کی جا سکے۔ تاحال حادثے کی وجوہات کے بارے میں مزید تفصیلات سامنے نہیں آ سکیں۔
