فیڈرل بورڈ آف ریونیو (ایف بی آر) نے ریٹیل سیکٹر کو ٹیکس نیٹ میں لانے کا منصوبہ بنایا ہے، جس سے ملک کو 300 ارب روپے کا اضافی ریونیو حاصل ہونے کی توقع ہے۔ اس پلان کے پہلے مرحلے میں پانچ بڑے شہروں، اسلام آباد، کراچی، لاہور، پشاور، اور کوئٹہ میں ریٹیلرز پر ٹیکس لگایا جائے گا، جس سے ابتدائی طور پر 100 ارب روپے کا اضافی ریونیو حاصل ہوگا۔
ایف بی آر کے ذرائع کے مطابق، ملک میں موجودہ 35 لاکھ ریٹیلرز پر ٹیکس لگانے کیلئے اسکیم کو حتمی شکل دی جائے گی۔ اس سکیم کے تحت، دکان کے سائز اور سالانہ آمدن کے مطابق ٹیکس عائد کیا جائے گا، جو ماہانہ بنیاد پر جمع کیا جائے گا۔
حکومت کی جانب سے اسکیم کو لانچ کرنے کی منظوری کے بعد، ریٹیلرز کی سالانہ آمدن پر تقریباً 10 فیصد زائد تک ایڈوانس ٹیکس عائد کیا جائے گا۔ یہ ٹیکس کاروبار اور افراد سب ہی شعبوں سے منسلک کریں گے۔
