وزیر اعظم شہباز شریف آج بدھ کے روز وفاقی کابینہ کے اہم اجلاس کی صدارت کریں گے۔ اجلاس میں مشرق وسطیٰ کی موجودہ صورتحال کا تفصیلی جائزہ لیا جائے گا۔
ذرائع کا کہنا ہے کہ وزیر اعظم کابینہ ارکان کو امریکہ اور ایران کے مابین جنگ بندی کے حوالے سے پاکستان کی سفارتی کوششوں پر بریفنگ دیں گے۔
اجلاس کے دوران ملک میں پیٹرولیم مصنوعات کی دستیابی اور ذخائر کا جائزہ بھی لیا جائے گا۔ اس موقع پر عالمی منڈی کے تناظر میں ایندھن کی قیمتوں میں ممکنہ ردوبدل کے حوالے سے بھی مشاورت متوقع ہے۔
