ایران سے پاکستانیوں کی وطن واپسی کا عمل مسلسل چوالیسویں روز بھی جاری رہا، جس کے دوران مزید 79 شہری وطن واپس پہنچ گئے۔ حکام کے مطابق یہ افراد گبد رمدان بارڈر کے راستے پاکستان میں داخل ہوئے، جس کے بعد اس راستے سے وطن واپس آنے والوں کی مجموعی تعداد 3 ہزار 152 ہو گئی ہے۔
سرکاری اعداد و شمار کے مطابق 28 فروری سے اب تک تفتان بارڈر کے ذریعے 10 ہزار 619 افراد پاکستان پہنچ چکے ہیں۔ اس طرح تفتان اور گبد رمدان بارڈر کے راستے وطن واپس لوٹنے والے پاکستانیوں کی کل تعداد 13 ہزار 771 تک جا پہنچی ہے۔
واپسی کرنے والے شہریوں میں زائرین، ملاح، مزدور، تاجر اور طلبہ شامل ہیں جو ایران، عمان اور پاکستان سے تعلق رکھتے ہیں۔ متعلقہ حکام کا کہنا ہے کہ وطن واپسی کے عمل کے دوران تمام افراد کے سفری دستاویزات کی جانچ پڑتال اور امیگریشن کا عمل مکمل کیا جا رہا ہے تاکہ ان کی وطن واپسی کو یقینی بنایا جا سکے۔
