ماناواں پولیس نے فائرنگ کے ایک واقعے میں شہری کو زخمی کرنے والے ملزم کو گرفتار کر لیا ہے۔
واقعہ ماناواں کے علاقے میں پیش آیا جہاں عادل نامی شہری موٹر سائیکل پر سوار ہو کر جا رہا تھا کہ ملزم نے فائرنگ کر کے اسے شدید زخمی کر دیا۔
زخمی شہری کو فوری طبی امداد کے لیے ہسپتال منتقل کر دیا گیا ہے۔ پولیس حکام کا کہنا ہے کہ کارروائی کرتے ہوئے نامزد ملزم شاہد امین کو حراست میں لے لیا گیا ہے۔
پولیس نے ملزم کے قبضے سے ایک رائفل، میگزین اور گولیاں بھی برآمد کر لی ہیں۔
متاثرہ شہری کی مدعیت میں ملزم کے خلاف مقدمہ درج کر لیا گیا ہے جبکہ مزید تفتیش کا عمل جاری ہے۔
