کراچی میں شدید گرمی کی لہر میں کچھ حد تک کمی واقع ہوئی ہے جس کے بعد شہریوں نے سکھ کا سانس لیا ہے۔ محکمہ موسمیات کے مطابق شہر کا موجودہ درجہ حرارت 35 ڈگری سینٹی گریڈ ریکارڈ کیا گیا ہے، تاہم گرم موسم کا تسلسل بدستور برقرار ہے۔
حکام کا کہنا ہے کہ سمندری ہوائیں دوبارہ بحال ہو گئی ہیں جو 20 کلومیٹر فی گھنٹہ کی رفتار سے چل رہی ہیں۔ شہر میں ہوا میں نمی کا تناسب 52 فیصد ریکارڈ کیا گیا ہے۔
یاد رہے کہ گزشتہ روز کراچی شدید گرمی کی لپیٹ میں تھا جس کے دوران پارہ 44 ڈگری سینٹی گریڈ تک جا پہنچا تھا۔
