راولپنڈی کے ہولی فیملی ہسپتال میں ایک طبی معجزہ دیکھنے میں آیا ہے جہاں ایک خاتون نے پانچ بچوں کو جنم دیا ہے۔ اس واقعے کے بعد اہل خانہ میں خوشی کی لہر دوڑ گئی ہے۔
ہسپتال ذرائع کے مطابق زچگی کا عمل گائنی ڈیپارٹمنٹ میں مکمل ہوا۔ طبی عملے نے اس غیر معمولی پیدائش پر اہل خانہ کو مبارکباد پیش کی ہے۔ پانچ نوزائیدہ بچوں میں چار لڑکے اور ایک بچی شامل ہیں۔
ہسپتال انتظامیہ کے مطابق نوزائیدہ بچی کو فوری طور پر وینٹی لیٹر پر منتقل کیا گیا تھا۔ ڈاکٹروں کا کہنا ہے کہ بچی کی حالت اب مستحکم ہے اور وہ تیزی سے بہتری کی جانب گامزن ہے۔
دیگر چار بچوں کو احتیاطی تدابیر کے پیش نظر ہسپتال کی نرسری میں رکھا گیا ہے جہاں وہ ۷۲ گھنٹے تک زیر نگرانی رہیں گے۔
