کراچی کے علاقے ڈیفنس فیز سکس میں خیابان اتحاد سگنل کے قریب تیز رفتاری کے باعث کار اور رکشہ میں تصادم کے نتیجے میں ایک شخص جاں بحق جبکہ دو افراد شدید زخمی ہو گئے۔
حادثے کی اطلاع ملتے ہی پولیس اور ریسکیو ٹیمیں جائے وقوعہ پر پہنچ گئیں اور لاش و زخمیوں کو فوری طور پر قریبی ہسپتال منتقل کر دیا۔
پولیس حکام کے مطابق جاں بحق ہونے والے شخص کی تاحال شناخت نہیں ہو سکی ہے جبکہ زخمیوں کی شناخت فرحان اور وقاص کے نام سے ہوئی ہے۔
ابتدائی تحقیقات کے مطابق حادثہ گاڑی کی تیز رفتاری کے باعث پیش آیا۔ پولیس نے قانونی کارروائی کا آغاز کر دیا ہے۔
