پاکستان ایئرپورٹس اتھارٹی نے اسلام آباد انٹرنیشنل ایئرپورٹ پر پروازوں کے شیڈول میں ممکنہ تعطل کے پیش نظر نوٹس ٹو ایئر مشن جاری کر دیا ہے۔ آٹھ سے دس مئی کے دوران ہوائی آپریشن متاثر ہونے کا خدشہ ظاہر کیا گیا ہے۔
انتظامی وجوہات کی بنا پر جاری ہونے والی اس ایڈوائزری میں ایئرلائنز کو ہدایت کی گئی ہے کہ وہ ممکنہ تاخیر کے پیش نظر اپنے طیاروں میں اضافی ایندھن ساتھ رکھیں۔
شیڈول کے مطابق آٹھ مئی کو صبح دس بج کر پینتالیس منٹ سے دوپہر بارہ بج کر پندرہ منٹ تک پروازوں کی آمد و رفت متاثر ہو سکتی ہے۔
اسی طرح نو اور دس مئی کو رات آٹھ بجے سے نو بج کر پندرہ منٹ تک کے دوران ایئرپورٹ پر فلائٹ آپریشن تعطل کا شکار ہو سکتا ہے۔
قبل ازیں وفاقی وزیر داخلہ محسن نقوی نے اسلام آباد ایئرپورٹ کا دورہ کر کے امیگریشن کے عمل اور مسافروں کو فراہم کی جانے والی سہولیات کا جائزہ بھی لیا تھا۔
