وفاقی تحقیقاتی ادارے ایف آئی اے کے کمرشل بینکنگ سرکل نے مالیاتی فراڈ میں ملوث دو ملزمان کو گرفتار کر لیا ہے۔
ایک اشتہاری ملزم شہزیب اختر طویل عرصے تک روپوش رہنے کے بعد عدالت میں پیش ہو گیا جہاں سے اسے حراست میں لے لیا گیا۔ ملزم کے خلاف مالیاتی جعل سازی کا مقدمہ درج تھا۔
ایک اور کارروائی کے دوران ایف آئی اے کمرشل بینکنگ سرکل کراچی نے ایک اور مفرور ملزم عبدالعلیم کو گرفتار کیا ہے۔ ملزم پر جعلی اور دھوکہ دہی کے ذرائع استعمال کرتے ہوئے 4.64 ملین روپے کی غیر قانونی رقم نکلوانے کا الزام ہے۔
