وزیر اعظم شہباز شریف نے ایران اور امریکہ کے درمیان دوسرے دور کے مذاکرات کے حوالے سے ایک اعلیٰ سطحی مشاورتی اجلاس کی صدارت کی۔
ذرائع کے مطابق اجلاس میں وزیر خارجہ اسحاق ڈار اور وزیر داخلہ محسن نقوی سمیت دیگر اعلیٰ حکام نے شرکت کی۔
وزیر داخلہ نے اس موقع پر وزیر اعظم کو امریکی اور ایرانی سفیروں کے ساتھ ہونے والی اپنی حالیہ ملاقاتوں کے حوالے سے بریفنگ دی۔
اجلاس کے دوران پاکستان نے ایران اور امریکہ کے درمیان مذاکرات میں سہولت کاری اور ان کے کامیاب انعقاد کو یقینی بنانے کے عزم کا اعادہ کیا۔
ذرائع کا کہنا ہے کہ ایران نے بھی مذاکرات کے تسلسل کو برقرار رکھنے کے لیے سفارتی روابط جاری رکھنے پر اتفاق کیا ہے۔
