اسلام آباد میں وزیراعظم شہباز شریف کی زیر صدارت ایک اعلیٰ سطحی اجلاس منعقد ہوا جس میں وفاقی وزراء اور اعلیٰ حکام نے شرکت کی۔ اجلاس کے دوران ایران اور امریکہ کے مابین جنگ بندی میں توسیع کے بعد پیدا ہونے والی صورتحال کا تفصیلی جائزہ لیا گیا۔
پاکستان نے ایران اور امریکہ کے درمیان مذاکرات کے دوسرے دور کے انعقاد کے لیے اپنی سفارتی کوششیں جاری رکھنے کے عزم کا اعادہ کیا ہے۔ حکومتی سطح پر یہ اتفاق پایا گیا ہے کہ خطے میں امن و استحکام کے قیام کے لیے پاکستان اپنا کردار ادا کرتا رہے گا۔
وزیراعظم اور اعلیٰ قیادت آج ایرانی ہم منصبوں کے ساتھ رابطہ قائم کریں گے تاکہ مذاکرات کے اگلے مرحلے کو یقینی بنایا جا سکے۔ اجلاس کے شرکاء نے امریکی صدر کی جانب سے جنگ بندی میں توسیع کے اعلان کا خیرمقدم کرتے ہوئے اسے خطے کے امن کے لیے خوش آئند قرار دیا۔
