ماسکو نے اقوام متحدہ کی سلامتی کونسل میں امریکہ اور بحرین کی جانب سے پیش کردہ اس مسودہ قرارداد کو واپس لینے کا مطالبہ کیا ہے جس میں ایران سے آبنائے ہرمز میں ناکہ بندی ختم کرنے کا مطالبہ کیا گیا ہے۔
روسی خبر رساں ادارے تاس کے مطابق روس کے نائب وزیر خارجہ الیگزینڈر ایلیموو نے مقامی اخبار ازویستیا سے گفتگو کرتے ہوئے واضح کیا ہے کہ ماسکو اس قرارداد کی حمایت نہیں کر سکتا، جسے خلیجی ممالک کی حمایت بھی حاصل ہے۔
روسی نائب وزیر خارجہ کا کہنا تھا کہ ماسکو نے امریکہ اور بحرین سے مطالبہ کیا ہے کہ وہ اس مسودہ قرارداد کو واپس لے لیں اور اس پر جلد بازی میں کوئی فیصلہ نہ کریں۔ انہوں نے مزید کہا کہ فی الحال اس دستاویز کے حوالے سے کسی قسم کے مثبت نتائج یا امکانات نظر نہیں آ رہے۔
