نیشنل بینک آف پاکستان کا مرکزی سرور 20 گھنٹے گزرجانے کے باوجود تاحال بحال نہ ہوسکا جس کے باعث ملک بھر کی 14 سو سے زائد برانچوں، اے ٹی ایمز، کور بینکنگ، اسلامی بینکاری اور کیش ٹرانزیکشنز کلی طور پر متاثر ہوگئی ہیں۔
جمعرات کی الصبح 3.30 بجے کور بینکنگ کو لوپ کرنے والے مرکزی سرور میں خرابی پیدا ہوئی جس کے نتیجے میں مرکزی سرور ڈاؤن ہوگیا جو بیس گھنٹوں کی کوششوں کے باوجود تاحال بحال نہ ہوسکا۔
ذرائع نے تصدیق کی ہے کہ ملک بھر کی 14 سو سے زائد برانچوں میں تمام ٹرانزیکشنز ٹھپ ہوکر رہ گئی ہیں۔
ذرائع نے مزید انکشاف کیا ہے کہ ملک بھر کی برانچوں کا عملہ بھی اس وقت ڈیوٹی پر موجود ہے جو کیش اور دیگر ٹرانزیکشنز کو تحریری (مینول) طریقہ کار سے انجام دے رہا ہے۔
واضع رہے کہ ماضی قریب میں بھی مرکزی سرور ڈاؤن ہونے کی متواتر شکایات موصول یوتی رہی ہیں جن کے دیرپا حل کیلئے سنجیدہ کوششیں کی جاتی تو ایسے واقعات رونماء نہ ہوتے جن کے باعث ہزاروں کھاتیداروں کو شدید مشکلات کا سامنا کرنا پڑتا ہے۔
ادھر نیشنل بینک انتظامیہ نے سرور کی خرابی پر اپنے کھاتیداروں سے معزرت مانگ لی ہے
