ملک میں جاری سیاسی بے چینی اور فنانشل ایکشن ٹاسک فورس (ایف اے ٹی ایف) کے اجلاس کے نتیجے میں پاکستان اسٹاک ایکس چینج میں کاروباری ہفتے کے آغاز پر مندی کا رجحان دیکھا جارہا ہے۔ کے ایس ای 100 انڈیکس پر 270 پوائنٹس کی کمی کے ساتھ کاروبار 42800 کی سطح پر ہورہا ہے۔
آج بارہ بجے تک کاروبار کے دوران 7 کروڑ حصص کی خرید و فروخت ہوئی جبکہ سرمایہ کاری حجم 2 ارب پچھتر کروڑ روپے کی سرمایہ کاری ہوئی۔
کاروباری ہفتے کے آغاز پر بینک آف پنجاب، کے الیکٹرک، ٹی آر جی، فوجی فرٹیلائزر اور میپل لیف سیمنٹ کے حصص کی قیمتوں میں کمی جبکہ پاکستان انٹرنیشنل بلک ٹرمینل، فوجی فوڈز، فوجی فرٹیلائزر بن قاسم کے حصص کی قیمتوں میں تیزی ریکارڈ کی گئی ہے۔
تجزیہ کاروں نے چھوٹے انویسٹرز کو محتاط رہنے کامشورہ دیا ہے۔
