ایسوسی ایشن آف بلڈرز اینڈ ڈیویلپرز پاکستان کے چیرمین محسن شیخانی نے کہا ہے کہ زمین ڈاٹ کام نمائش کا انعقاد خوش آئیند اقدام ہے جس کے ذریعے ریئل اسٹیٹ اور کنسٹرکشن شعبے میں تحریک بڑھتی ہے۔ نہ صرف پاکستان بلکہ دنیا بھر میں سرمایہ کار اس قسم کی نمائشوں سے استعفادہ کرتے ہیں۔
بیسویں دو روزہ زمین ڈاٹ کام نمائش سے خطاب کرتے ہوئے آباد کے چیرمین نے کہا کہ نیا پاکستان ہاؤسنگ اسکیم میں آباد وفاق اور صوبائی حکومتوں سے ساتھ قریبی رابطے میں ہے۔ انہوں نے کہا کہ بڑے اور طویل مدتی منصوبوں میں عموما” وقت درکار ہوتا ہے کچھ زمینوں کے حصول کے مراحل اور سرمایہ کاری کی ترغیب لیکن امید ہے کہ اگلے پانچ یا چھے ماہ میں سستے گھروں کے منصوبے پر عمل درآمد شروع ہوگا۔
محسن شیخانی کا کہنا تھا کہ جب بڑے منصوبے خصوصا” نیا پاکستان ہاؤسنگ اسکیم جیسے پراجیکٹ پر کام شروع ہوگا توبڑے پیمانے پر روزگار کے مواقع میسر آئیں گے اور ہم امید کرتے ہیں کہ وزیر اعظم عمران خان عام آدمی کے لئے ین منصوبوں میں روزگار اورسستے گھروں کی فراہمی میں حائل رکاوٹوں کو دور کرنے کیلئے خصوصی توجہ دیں گے۔
آباد کے چیرمین محسن شیخانی نے صحافیوں کے سوال پر کہا کہ روپے کہ قدر میں کمی کے مضر اثرات ضرور مرتب ہوئے لیکن ڈالر کے مقابلے میں روپے کی قدر میں اعتدال آرہا ہے جس باعث بیرون ملک مقیم سرمایہ کار اب تعمیراتی شعبے میں دلچسپی لے رہے ہیں اور عنقریب یہ شعبہ ملکی معیشت کے استخھام کے لئے اپنا کردار ادا کرے گا۔
انہوں نے کہا کہ وفاقی حکومت کی جانب سے پنجاب اور خصوصا” لاہور میں طویل منزلہ عمارتوں کے لئے مثبت فیصلے کئے گئے ہیں جو کہ اس شعبے کے لئے خوش آئیند ہیں۔ انہوں نے کہا کہ دنیا بھر میں اراضی کی قیلت کے پیش نظر ہائی رائز منصوبوں کا رجحان بڑھ گیا ہے جبکہ پاکستان میں اس سے سلسلے میں کافی سست روی برتی جارہی ہے۔
محسن شیخانی نے کہا کہ سندھ اور خصوصا” کراچی میں ہائی رائز منصوبوں میں حائل رکاوٹوں کو دور اور تعمیراتی شعبے کے لئے ون ونڈو آپشن پر فوری عمل درآمد سے عوام کو گھروں کی قلت اور لاکھوں افراد کو روزگار کے مواقع مسیر آئیں گے۔ انہوں نے کہا کہ کرپشن معاشروں کی دیمک کی طرح کھوکھلا کررہی ہے۔ ہماری وفاق اور صوبائی حکومتوں سے درخواست ہے کہ تعمیراتی شعبے میں سست روی کے تدارک کے لئے جامع پالیسی مرتب کرتے ہوئے کرپشن کا خاتمہ کیا جائے۔
اس موقع پر معروف بلڈرز اور آباد کے ممبران جنید اشرف تالو، فیاض الیاس، علی رٹاڈیا، حس بخشی، کریم آڈیا، محمد راحیل رنچ، مصطفٰی شیخانی، احمد شیخانی بھی موجود تھے۔
زمین ڈاٹ کام کی دوروزہ نمائش کے دوران 140 سے زائد ڈویلپرز اور بلڈرز نے اپنے جاری منصوبوں کے تشہیر کی۔ نمائش میں 1یک لاکھ سے زائد افراد شریک ہوئے جبکہ پہلے روز وفاقی وزیر برائے بحری امور علی زید ی نے افتتاح کیا اس موقع پر میڈیا سے گفتگو کرتے ہوئے علی زیدی نے کہا کہ زمین ڈاٹ کام اس نمائش کے انعقاد پر مبارکباد کی مستحق ہے، رئیل اسٹیٹ سیکٹر پاکستان کا سب سے اہم شعبہ ہے، جس پر تبدیلیوں کے اثرات دورس ہوتے ہیں۔ حکومت اس شعبے کی تعمیر و ترقی کیلئے کوشاں ہے۔
ڈاکٹر مرتضیٰ سید اسٹیٹ بینک کے ڈپٹی گورنر مقرر
زمین ڈاٹ کام کے سی ای او ذیشان علی خان کا کہنا تھا کہا کہ اگلا ایکسپو اسلام آباد میں منعقد کیا جائے گا۔ اُن کا کہنا تھا کہ ایسی نمائشیں انڈسٹری کی ترقی کیلئے لازم و ملزوم ہیں۔ اُنہوں نے کہا کہ اسلام آباد کے بعد دبئی میں بھی پراپرٹی ایکسپو کا انعقاد کیا جائے گا۔ زمین ڈاٹ کام کے ڈائریکٹر مارکیٹنگ طٰہ محمود نے کہا کہ ماضی میں کراچی کی کی نمائشوں کو بھی بڑی پزیرائی حاصل ہوئی۔ اگلے سال مزید توانائی کے ساتھ زمین ڈاٹ کام نمائش کا انعقاد کیا جائے گا۔
