وفاقی وزیر داخلہ محسن نقوی نے یوم پاکستان کے موقع پر قوم کو مبارکباد پیش کرتے ہوئے کہا ہے کہ 23 مارچ 1940 کا دن ہماری تاریخ کا ایک سنہری باب ہے جب ہمارے آباؤ اجداد نے ایک علیحدہ وطن کی بنیاد رکھی اور محض سات برس بعد اس عزم کو عملی جامہ پہنایا گیا۔
وزیر داخلہ کا کہنا ہے کہ پاکستان اللہ تعالیٰ کی ایک انمول نعمت ہے جو ایک عظیم نظریے اور لازوال قربانیوں کا ثمر ہے۔ قرارداد لاہور نے یہ واضح پیغام دیا تھا کہ مسلمان ایک الگ قوم ہیں اور انہیں سیاسی، اقتصادی اور جغرافیائی آزادی درکار ہے۔
محسن نقوی نے تحریک پاکستان کے بانیوں اور شہدا کو خراج عقیدت پیش کرتے ہوئے کہا کہ آج کا دن قومی یکجہتی، خودداری اور ترقی کے عزم کی تجدید کا نام ہے۔ موجودہ ملکی و غیر ملکی چیلنجز سے نمٹنے کے لیے ہمیں آج بھی یوم پاکستان والے جذبے، اتحاد اور یکجہتی کی ضرورت ہے۔
انہوں نے مزید کہا کہ قائد اعظم محمد علی جناح کے عطا کردہ اصول اتحاد، ایمان اور تنظیم کامیابی کی ضمانت ہیں۔ بطور قوم ہمیں اپنے اختلافات کو بالائے طاق رکھ کر ان اصولوں کو عملی طور پر اپنانا ہوگا۔
وفاقی وزیر نے اس عزم کا اعادہ کیا کہ ہم اپنے پیارے وطن کی سلامتی، استحکام اور خوشحالی کے لیے کسی بھی قربانی سے دریغ نہیں کریں گے۔ انہوں نے زور دیا کہ قوم کو یکجہتی اور مسلسل جدوجہد کے ذریعے ہی درپیش مشکلات کا مقابلہ کرنا ہوگا۔
امریکی صدر ڈونلڈ ٹرمپ نے ملک بھر کے ہوائی اڈوں پر امیگریشن حکام کو تعینات…
وزیر اعلیٰ سندھ سید مراد علی شاہ نے کہا ہے کہ خطے میں بڑھتی ہوئی…
وائٹ ہاؤس کے احاطے میں اطالوی مہم جو کرسٹوفر کولمبس کا مجسمہ نصب کر دیا…
واشنگٹن میں امریکی صدر ڈونلڈ ٹرمپ کی جانب سے سوشل میڈیا پلیٹ فارم ٹروتھ سوشل…
فرانسیسی لیگ میں اتوار کے روز کھیلے گئے میچوں میں لیل نے مارسیلی کو دو…
ممبئی میں بھارتی روپے کی قدر میں ریکارڈ گراوٹ دیکھی گئی ہے اور پیر کے…