اسلام آباد میں پارلیمانی ذرائع کے مطابق قومی اسمبلی کا آئندہ اجلاس 30 مارچ 2026 کو طلب کیے جانے کا امکان ہے۔ اس حوالے سے حتمی فیصلہ وزیراعظم شہباز شریف اور اسپیکر قومی اسمبلی ایاز صادق کے درمیان باہمی مشاورت سے کیا جائے گا۔
پارلیمانی کیلنڈر کے تحت اجلاس کے انعقاد کے لیے سمری بھجوانے پر مشاورت کا عمل جاری ہے۔ حکومتی حلقوں میں کفایت شعاری مہم کے پیش نظر اجلاس بلانے پر مختلف آراء پائی جا رہی ہیں۔ حکومتی موقف ہے کہ قومی اسمبلی کا اجلاس صرف ناگزیر حالات میں ہی طلب کیا جائے تاکہ ملکی خزانے پر غیر ضروری بوجھ نہ پڑے۔
تاحال اجلاس کے حوالے سے کوئی باضابطہ نوٹیفکیشن جاری نہیں کیا گیا ہے۔ اجلاس کی حتمی تاریخ اور ایجنڈے کا تعین اعلیٰ سطحی مشاورت کے بعد ہی ممکن ہو سکے گا۔
یاد رہے کہ رواں ماہ کی 3 تاریخ سے 12 مارچ تک قومی اسمبلی کا 25واں اجلاس جاری رہا تھا جو 12 مارچ کو غیر معینہ مدت کے لیے ملتوی کر دیا گیا تھا۔ اس کے بعد سے ایوان کا اجلاس تاحال دوبارہ طلب نہیں کیا گیا ہے۔
واشنگٹن میں امریکی سینیٹ نے منگل کے روز صدر ٹرمپ کے ایران کے خلاف فوجی…
اسلام آباد میں برطانوی ہائی کمشنر جین میریٹ نے نائب وزیراعظم اور وزیر خارجہ سینیٹر…
مشہور ڈزنی چینل سیریز جیسی کی کاسٹ نے نیویارک شہر میں ایک مختصر ری یونین…
کراچی میں پاکستان کے سرکردہ ونڈ انرجی پیدا کرنے والے اداروں کے کنسورشیم نے انڈیپنڈنٹ…
افغان طالبان نے ایک سال سے زائد عرصے تک زیر حراست رہنے والے امریکی ماہر…
وفاقی دارالحکومت میں ماحول دوست اور جدید پبلک ٹرانسپورٹ کے نظام کو فروغ دینے کے…