پاکستان اور ترکیہ کے درمیان عدالتی تعاون کو فروغ دینے کے لیے مفاہمت کی ایک یادداشت پر دستخط کیے گئے ہیں۔ اسلام آباد میں منعقدہ اس پروقار تقریب میں چیف جسٹس آف پاکستان یحییٰ آفریدی اور ترکیہ کی آئینی عدالت کے چیف جسٹس قادر اوزکایا نے شرکت کی۔ تقریب کا آغاز دونوں ممالک کے قومی ترانوں سے ہوا۔
چیف جسٹس یحییٰ آفریدی نے ترک وفد کا خیرمقدم کرتے ہوئے کہا کہ یہ دورہ دونوں برادر ممالک کے تاریخی اور گہرے تعلقات کا عکاس ہے۔ انہوں نے کہا کہ یہ مفاہمتی یادداشت عدالتی شعبے میں تعاون کو مضبوط بنانے کی جانب ایک اہم قدم ثابت ہوگی۔
یحییٰ آفریدی نے ترکیہ کے عدالتی نظام میں جدت اور خاص طور پر عدالتی کارروائیوں میں مصنوعی ذہانت کے استعمال کو سراہا۔ انہوں نے زور دیا کہ بدلتی ہوئی دنیا میں عدالتی نظام تنہا نہیں رہ سکتے، اس لیے دونوں ممالک کو ایک دوسرے کے تجربات سے استفادہ کرنا چاہیے۔ انہوں نے امید ظاہر کی کہ یہ معاہدہ دونوں اقوام کے لیے سودمند ثابت ہوگا۔
ترکیہ کی آئینی عدالت کے چیف جسٹس قادر اوزکایا نے تقریب سے خطاب کرتے ہوئے کہا کہ آج کا دن دونوں ممالک کے لیے انتہائی اہمیت کا حامل ہے۔ انہوں نے پاکستانی عدالتی نظام کو تابناک اور مؤثر قرار دیتے ہوئے کہا کہ دونوں ممالک کے قانونی ڈھانچوں میں کئی اقدار مشترک ہیں۔
قادر اوزکایا نے پاکستان آمد پر خوشی کا اظہار کرتے ہوئے کہا کہ دونوں ممالک کے درمیان مثالی برادرانہ تعلقات قائم ہیں۔ انہوں نے اس بات پر زور دیا کہ عدالتی تعاون کو مزید وسعت دی جانی چاہیے اور باہمی تجربات سے فائدہ اٹھانا وقت کی اہم ضرورت ہے۔
تقریب میں سپریم کورٹ آف پاکستان کے ججوں، آئینی عدالت کے اراکین اور دیگر اعلیٰ حکام کے علاوہ ترکیہ کی آئینی عدالت کے اعلیٰ سطحی وفد نے شرکت کی۔
معروف ماڈل جی جی حدید نے جیفری ایپسٹین کی دستاویزات میں اپنے اور اپنی بہن…
عالمی نمبر ایک ٹینس اسٹار کارلوس الکاراز نے کلے کورٹ پر واپسی کو شاندار قرار…
امریکی محکمہ امیگریشن اینڈ کسٹمز انفورسمنٹ کی حراست میں ہلاک ہونے والے انیس سالہ میکسیکن…
روسی صدر ولادیمیر پیوٹن آج کی عالمی سیاست میں ایک ایسے رہنما کے طور پر…
متحدہ عرب امارات کے صدر کے سفارتی مشیر انور قرقاش نے کہا ہے کہ امریکا…
پاکستان سپر لیگ کے دلچسپ مقابلے میں ملتان سلطانز نے قذافی اسٹیڈیم میں کوئٹہ گلیڈی…