اسلام آباد میں وزیراعظم شہباز شریف کی زیر صدارت پیٹرولیم مصنوعات کی سپلائی اور توانائی کی بچت کے حوالے سے اعلیٰ سطح کا اجلاس منعقد ہوا۔ وزیراعظم نے واضح کیا کہ پیٹرولیم مصنوعات کی ذخیرہ اندوزی ایک ناقابل معافی جرم ہے اور اس میں ملوث عناصر کے خلاف سخت قانونی کارروائی عمل میں لائی جائے گی۔
وزیراعظم نے ملکی معاشی استحکام اور بجلی کی بلاتعطل فراہمی یقینی بنانے کے لیے ملک گیر سطح پر توانائی کی بچت اور کفایت شعاری کی مہم میں عوام کی شرکت پر زور دیا۔ انہوں نے کہا کہ خطے کی موجودہ صورتحال کے پیش نظر اجتماعی ذمہ داری کا مظاہرہ کرنا وقت کی اہم ضرورت ہے، اس لیے شہریوں کو ایندھن کے استعمال میں احتیاط برتنی چاہیے۔
اجلاس کے دوران حکام نے مارکیٹوں اور تجارتی مراکز کی رات آٹھ بجے بندش کے حوالے سے بریفنگ دی۔ فیصلہ کیا گیا ہے کہ توانائی کی بچت کے لیے اس اقدام پر عملدرآمد یقینی بنایا جائے گا، جس کے لیے سندھ سمیت تمام صوبائی حکومتوں سے مشاورت جاری ہے۔
وزیراعظم نے کہا کہ ملک میں بجلی کی پیداوار کا ایک بڑا حصہ پیٹرولیم مصنوعات پر منحصر ہے، لہذا بچت کے اقدامات کا مقصد نہ صرف زرمبادلہ کے ذخائر کو محفوظ بنانا ہے بلکہ بجلی کی فراہمی کو بھی مستحکم رکھنا ہے۔
اجلاس میں بتایا گیا کہ مستحق افراد تک پیٹرولیم سبسڈی پہنچانے کے لیے شفاف ڈیجیٹل نظام کا استعمال کیا جا رہا ہے۔ اس کے علاوہ اسٹیٹ بینک آف پاکستان اور وزارت آئی ٹی کے اشتراک سے ٹرانسپورٹ کے شعبے بشمول ٹرک اور بسوں کے لیے مالی معاونت فراہم کی جا رہی ہے۔
اجلاس میں وفاقی وزراء اسحاق ڈار اور احسن اقبال سمیت اعلیٰ حکام، تمام صوبوں کے نمائندوں اور متعلقہ اداروں کے سربراہان نے شرکت کی۔
وائٹ ہاؤس نے ان قیاس آرائیوں کی سختی سے تردید کی ہے کہ نائب صدر…
وزیر اعظم شہباز شریف نے امریکی صدر ڈونلڈ ٹرمپ سے اپیل کی ہے کہ وہ…
امریکی صدر ڈونلڈ ٹرمپ کے ایران کے حوالے سے متنازع بیانات اور کشیدگی میں اضافے…
افغان مہاجرین کی وطن واپسی کا عمل تیزی سے جاری ہے اور اب تک دس…
عراق میں ایرانی حمایت یافتہ عسکریت پسند گروپ کتیب حزب اللہ کی جانب سے اغوا…
پاکستان اور ترکیہ کے درمیان بحری تعاون کو مزید مستحکم کرنے کے لیے اعلیٰ سطحی…