ایرانی پارلیمنٹ کے اسپیکر محمد باقر قالیباف نے پاکستان کے دورے پر روانگی کے دوران سماجی رابطوں کی ویب سائٹ ایکس پر ایک جذباتی تصویر شیئر کی ہے۔ تصویر میں ان کے طیارے کی نشستوں پر میناب اسکول حملے میں شہید ہونے والے بچوں کی تصاویر اور ان کے اسکول بیگز رکھے گئے ہیں۔
اسپیکر محمد باقر قالیباف نے اپنے پیغام میں لکھا کہ یہ بچے اس پرواز میں ان کے ہم سفر ہیں۔ ایرانی حکام کے مطابق اس پرواز کا نام بھی میناب اسکول سانحے کی نسبت سے رکھا گیا ہے۔
واضح رہے کہ اٹھائیس فروری کو ایران کے شہر میناب میں واقع شجرہ طیبہ اسکول پر میزائل حملے کے نتیجے میں ایک سو اڑسٹھ افراد شہید ہوئے تھے جن میں بڑی تعداد بچوں کی تھی۔ یہ حملہ خطے میں جاری کشیدگی کے دوران کیا گیا تھا۔
دفتر خارجہ کے ترجمان کے مطابق ایرانی وفد کی قیادت اسپیکر محمد باقر قالیباف کر رہے ہیں جبکہ وزیر خارجہ عباس عراقچی بھی وفد کے ہمراہ اسلام آباد پہنچ چکے ہیں۔
دوسری جانب امریکی صدر ڈونلڈ ٹرمپ نے اسلام آباد میں ہونے والے مذاکرات کے لیے اپنی ٹیم کا اعلان کر دیا ہے۔ امریکی وفد میں جے ڈی وینس، جیرڈ کشنر اور اسٹیو وٹکوف شامل ہیں جو پاکستان کے ساتھ مذاکرات میں حصہ لیں گے۔
پاکستان پہنچنے کے بعد اسپیکر محمد باقر قالیباف نے اپنے سوشل میڈیا اکاؤنٹ پر میناب کے شہداء کو خراج تحسین پیش کرتے ہوئے اپنی آمد کی اطلاع دی۔
امریکی صدر ڈونلڈ ٹرمپ نے دعوی کیا ہے کہ ایران کے پاس امریکہ کے ساتھ…
امریکی نائب صدر جے ڈی وینس ایک اعلیٰ سطحی وفد کی قیادت کرتے ہوئے ہفتے…
امریکی نائب صدر جے ڈی وینس کی قیادت میں ایک اعلیٰ سطحی وفد ایران کے…
امریکی نائب صدر جے ڈی وینس وفاقی دارالحکومت اسلام آباد پہنچ گئے ہیں۔ دفتر خارجہ…
بیجنگ میں چینی صدر شی جن پنگ اور تائیوان کی سب سے بڑی اپوزیشن جماعت…
ایرانی پارلیمنٹ کے اسپیکر محمد باقر قالیباف نے کہا ہے کہ ماضی میں امریکہ کے…