معروف گلوکار بلال مقصود نے طویل وقفے کے بعد موسیقی کی دنیا میں واپسی کرتے ہوئے اپنا نیا گانا او رے سجنا جاری کر دیا ہے۔ اس گانے کی ویڈیو میں گلوکار نے اپنے بچوں کے مقبول پپٹ شو پکے دوست کے کرداروں سے متاثر ہو کر خود کو ایک کٹھ پتلی کے روپ میں پیش کیا ہے۔
گانے کی ریلیز سے قبل سوشل میڈیا پر اپنے خیالات کا اظہار کرتے ہوئے بلال مقصود نے کہا کہ وہ دوبارہ موسیقی کی طرف لوٹنا چاہتے تھے لیکن اس بار وہ روایتی اداکاری کے بجائے خود کو ایک کٹھ پتلی کے طور پر دیکھنا چاہتے تھے۔ انہوں نے وضاحت کی کہ کٹھ پتلی کا کردار گانے کے جذبات کی بھرپور عکاسی کرتا ہے۔
او رے سجنا ایک رومانوی اور دھیمی دھنوں پر مبنی گانا ہے جس میں بلال مقصود کا پرانا اور مخصوص انداز نمایاں ہے۔ اس گانے کی ویڈیو میں کراچی کے ساحل اور شہر کی گلیوں کو پس منظر کے طور پر استعمال کیا گیا ہے جہاں ایک کٹھ پتلی کردار اپنی کھوئی ہوئی محبت کی یادوں میں کھویا ہوا دکھائی دیتا ہے۔
اس تخلیقی کاوش کے ذریعے بلال مقصود نے موسیقی اور اردو زبان کے ساتھ اپنی وابستگی کو یکجا کیا ہے۔ اگرچہ مداحوں کی ایک بڑی تعداد ان کے بچوں کے لیے کیے جانے والے کام کو سراہتی ہے تاہم گلوکار نے واضح کیا ہے کہ یہ نیا گانا خاص طور پر بڑوں کے لیے تیار کیا گیا ہے۔
اسٹرنگز بینڈ کے سابق رکن کی حیثیت سے سر کیے یہ پہاڑ اور سونیا جیسے لازوال گیت دینے والے بلال مقصود کا یہ نیا گانا ان کے مداحوں کے لیے ایک جذباتی اور منفرد تحفہ ہے۔ گانے کی مکمل ویڈیو ہفتے کے روز جاری کر دی گئی ہے۔
واشنگٹن میں امریکی صدر ڈونلڈ ٹرمپ نے اعلان کیا ہے کہ امریکی بحریہ آبنائے ہرمز…
واشنگٹن (ویب ڈیسک) امریکی صدر ڈونلڈ ٹرمپ نے ایران کے جوہری پروگرام پر اسلام آباد…
امیر جماعت اسلامی کراچی منعم ظفر نے کہا ہے کہ لیاری کو پیرس بنانے کے…
روسی صدر ولادیمیر پیوٹن اور ایرانی صدر مسعود پزشکیان کے درمیان ٹیلی فونک رابطہ ہوا…
جنوبی لبنان میں اسرائیلی فضائی حملے نے سات سالہ ایلین سعید کی زندگی کو خون…
مذاکرات اور جنگ بندی کے باوجود، ایران کے ساتھ جاری کشیدگی امریکی عوام کے لیے…