کراچی میں سندھ حکومت کی ترجمان سعدیہ جاوید نے امیر جماعت اسلامی کراچی منیب ظفر کی جانب سے صوبائی حکومت کی کارکردگی پر لگائے گئے الزامات کو مسترد کر دیا ہے۔
سعدیہ جاوید کا کہنا ہے کہ پاکستان پیپلز پارٹی کی کارکردگی شہر قائد کے ہر کونے میں واضح طور پر دیکھی جا سکتی ہے۔ انہوں نے کہا کہ منیب ظفر اپنی ناکامیوں پر پردہ ڈالنے کے لیے پیپلز پارٹی پر انگلیاں اٹھا رہے ہیں۔
ترجمان سندھ حکومت نے مزید کہا کہ جھوٹے الزامات لگا کر سیاسی قد کاٹھ بڑھانے کی کوششیں کبھی کامیاب نہیں ہوں گی۔
سعدیہ جاوید نے تنبیہ کی کہ اگر جماعت اسلامی کو عوام کی حقیقی فکر ہے تو انہیں گمراہ کن بیانات جاری کرنے کا سلسلہ بند کرنا چاہیے۔
