نائب وزیراعظم اور وزیر خارجہ اسحاق ڈار نے مصر کے وزیر خارجہ بدر عبدالعاطی کے ساتھ ٹیلی فون پر رابطہ کیا ہے۔ اس گفتگو کے دوران خطے کی مجموعی صورتحال اور امن کی جاری کوششوں میں ہونے والی پیش رفت پر تفصیلی تبادلہ خیال کیا گیا۔
ترجمان دفتر خارجہ کی جانب سے جاری کردہ بیان کے مطابق اسحاق ڈار اور مصری ہم منصب کے درمیان یہ رابطہ گزشتہ شب ہوا۔ دونوں رہنماؤں نے خطے میں قیام امن کے لیے جاری سفارتی کوششوں اور ثالثی کے عمل کا جائزہ لیا۔
ملاقات میں عالمی اور علاقائی امن کے فروغ کے لیے مذاکرات اور سفارتی رابطوں کی اہمیت پر زور دیا گیا۔ دونوں وزرائے خارجہ نے اس بات پر اتفاق کیا کہ جاری سفارتی اقدامات اور امن عمل کی کامیابی کے لیے تمام متعلقہ فریقین کی شمولیت ناگزیر ہے۔
