دنیا بھر میں پاکستانی پاسپورٹ کے حصول کا عمل چار روز کی بندش کے بعد بحال کر دیا گیا ہے۔ تکنیکی خرابیوں کے باعث تعطل کا شکار یہ سروس اب مکمل طور پر فعال ہو چکی ہے۔
اس تعطل کے دوران سعودی عرب، متحدہ عرب امارات اور متعدد یورپی ممالک میں مقیم پاکستانیوں کو پاسپورٹ کے اجرا میں مشکلات کا سامنا کرنا پڑا۔
ڈائریکٹر جنرل پاسپورٹ اینڈ امیگریشن محمد علی رندھاوا نے تصدیق کی ہے کہ پاسپورٹ ہیڈکوارٹر میں درپیش تکنیکی مسائل پر قابو پا لیا گیا ہے۔
سروس کی بحالی کے بعد بیرون ملک پاکستانی سفارت خانوں کی جانب سے شہریوں کو پاسپورٹ کے اجرا کے عمل کی دوبارہ شروعات سے آگاہ کر دیا گیا ہے۔
