بانی پی ٹی آئی کی اہلیہ بشریٰ بی بی کو سخت سیکیورٹی حصار میں اڈیالہ جیل سے نجی ہسپتال منتقل کیا گیا۔ ذرائع کے مطابق بشریٰ بی بی کو آنکھ کے معائنے اور فالو اپ چیک اپ کے لیے ہسپتال لایا گیا تھا۔
طبی معائنے کا عمل مکمل ہونے کے بعد بشریٰ بی بی کو دوبارہ اڈیالہ جیل منتقل کر دیا گیا ہے۔ حکام کی جانب سے اس منتقلی کے دوران سیکیورٹی کے انتہائی سخت انتظامات کیے گئے تھے۔
یاد رہے کہ بشریٰ بی بی کی آنکھ کی سرجری رواں سال 17 اپریل کو ایک نجی ہسپتال میں ہوئی تھی اور آج کا دورہ اسی سرجری کے بعد فالو اپ معائنے کے سلسلے میں تھا۔
ادھر اسلام آباد ہائی کورٹ بانی پی ٹی آئی اور بشریٰ بی بی کی 190 ملین پاؤنڈ کیس میں سزاؤں کے خلاف دائر اپیلوں پر سماعت کرے گی۔
