نائب وزیراعظم اور وزیر خارجہ سینیٹر محمد اسحاق ڈار نے مصر کے وزیر خارجہ بدر عبدالعاطی سے ٹیلی فونک رابطہ کیا ہے۔ اس گفتگو کے دوران دونوں رہنماؤں نے خطے کی موجودہ صورتحال اور غزہ کی پٹی میں جاری کشیدگی پر تبادلہ خیال کیا۔
اسحاق ڈار نے اس موقع پر تمام مسائل کے حل کے لیے مذاکرات اور سفارتکاری کو ناگزیر قرار دیا۔ انہوں نے اعادہ کیا کہ پاکستان خطے میں امن، استحکام اور تعمیری روابط کے فروغ کے لیے پرعزم ہے۔
دونوں وزرائے خارجہ نے ایران اور امریکہ کے درمیان مذاکرات کے اگلے دور کی کامیابی کے لیے نیک خواہشات کا اظہار کیا۔ انہوں نے اس امید کا اعادہ کیا کہ یہ مذاکرات خطے اور اس سے باہر دیرپا امن کے قیام میں معاون ثابت ہوں گے۔
گفتگو کے اختتام پر دونوں رہنماؤں نے باہمی رابطے برقرار رکھنے پر اتفاق کیا۔
