اسٹیٹ بینک آف پاکستان نے متحدہ عرب امارات کو تین اعشاریہ چار پانچ ارب ڈالر کی مکمل ادائیگی کی تصدیق کر دی ہے۔ مرکزی بینک کے جاری کردہ سرکاری بیان کے مطابق اس ادائیگی کے ساتھ ہی پاکستان کی جانب سے متحدہ عرب امارات کے واجبات کی واپسی کا عمل مکمل ہو گیا ہے۔
مرکزی بینک کا کہنا ہے کہ تیئیس اپریل دو ہزار چھبیس کو ابوظہبی فنڈ فار ڈویلپمنٹ کو ایک ارب ڈالر کی رقم ادا کی گئی۔
اس سے قبل گزشتہ ہفتے دو اعشاریہ چار پانچ ارب ڈالر کی ادائیگی پہلے ہی کی جا چکی تھی۔
اسٹیٹ بینک کے مطابق تازہ ترین ٹرانزیکشن کے بعد متحدہ عرب امارات کو کی جانے والی کل تین اعشاریہ چار پانچ ارب ڈالر کی ادائیگیاں اب مکمل ہو چکی ہیں۔
