یوکرین اور سعودی عرب کے درمیان دفاعی تعاون کے ایک اہم معاہدے پر دستخط کر دیے گئے ہیں۔ یوکرین کے صدر ولادیمیر زیلنسکی نے جمعہ کے روز بتایا کہ یہ معاہدہ مستقبل میں فوجی سازوسامان کے معاہدوں، تکنیکی اشتراک اور سرمایہ کاری کی راہ ہموار کرے گا۔
یوکرین کے صدر اپنے دورہ سعودی عرب کے دوران ولی عہد شہزادہ محمد بن سلمان سے ملاقات سے قبل اس معاہدے کو حتمی شکل دی۔ یہ پیش رفت دونوں ممالک کے مابین دفاعی تعلقات میں ایک نئے باب کا آغاز ہے۔
ٹیلی گرام پر اپنے پیغام میں صدر زیلنسکی نے کہا کہ یوکرین اپنی مہارت اور جدید دفاعی نظام سعودی عرب کے ساتھ شیئر کرنے کے لیے مکمل طور پر تیار ہے۔ انہوں نے مزید کہا کہ دونوں ممالک انسانی جانوں کے تحفظ کو یقینی بنانے کے لیے مشترکہ کوششیں کریں گے۔
