امریکا اور ایران کے درمیان دو ہفتوں کے لیے جنگ بندی پر اتفاق

امریکی صدر ڈونلڈ ٹرمپ نے منگل کے روز ایران کے ساتھ دو طرفہ جنگ بندی پر رضامندی کا اعلان کر دیا ہے۔ یہ پیش رفت اس ڈیڈ لائن سے دو گھنٹے قبل سامنے آئی جس میں ٹرمپ نے ایران کو امریکہ کے ساتھ معاہدہ کرنے یا اپنے پاور پلانٹس پر بڑے حملوں کا سامنا کرنے کا الٹی میٹم دیا تھا۔

سماجی رابطے کی ویب سائٹ ٹروتھ سوشل پر جاری بیان میں امریکی صدر کا کہنا تھا کہ انہوں نے دو ہفتوں کے لیے ایران پر بمباری اور حملے معطل کرنے کا فیصلہ کیا ہے۔

صدر ٹرمپ کے مطابق یہ معاہدہ پاکستان کی ثالثی میں طے پایا ہے۔ اس معاہدے کی بنیادی شرط یہ ہے کہ اسلامی جمہوریہ ایران آبنائے ہرمز کو مکمل، فوری اور محفوظ طریقے سے ہر قسم کی آمدورفت کے لیے کھول دے گا۔

یہ ایک بریکنگ نیوز ہے اور صورتحال میں پیش رفت کے ساتھ اس خبر کو اپ ڈیٹ کیا جائے گا۔