متحدہ عرب امارات نے ایران کی حالیہ جارحیت کے بعد اپنے علاقائی اور بین الاقوامی تعلقات کا ازسرنو جائزہ لینے کا اعلان کیا ہے۔ اس اقدام کا مقصد مستقبل کے لیے قابل اعتماد اتحادیوں کی نشاندہی کرنا اور ملکی معاشی استحکام کو مزید مضبوط بنانا ہے۔
صدر متحدہ عرب امارات کے سفارتی مشیر انور قرقاش نے کہا ہے کہ ایران کی جانب سے کی گئی وحشیانہ کارروائیوں کے فوری نتائج اخذ کرنا قبل از وقت ہے، تاہم ملک اپنے قومی ماڈل اور دفاعی صلاحیتوں کو مستحکم کرنے کے لیے پرعزم ہے۔
سماجی رابطے کی ویب سائٹ ایکس پر اپنے بیان میں انور قرقاش نے واضح کیا کہ متحدہ عرب امارات اپنی عالمی شراکت داریوں کا انتہائی درستگی اور شفافیت کے ساتھ دوبارہ جائزہ لے گا تاکہ یہ تعین کیا جا سکے کہ مستقبل میں کن ممالک پر بھروسہ کیا جا سکتا ہے۔
انور قرقاش نے مزید کہا کہ ایک غدارانہ حملے پر قابو پانے کے بعد متحدہ عرب امارات کا اعتماد مزید بڑھا ہے۔ اب ملک اپنے ترقیاتی ماڈل کی لچک اور پائیداری کو یقینی بنانے کے لیے معاشی اور مالیاتی امور میں بھی اصلاحات لائے گا۔
سفارتی مشیر نے اس بات پر زور دیا کہ قومی ترجیحات اور اتحادوں کا محتاط جائزہ ہی ملک کے اگلے لائحہ عمل کا تعین کرے گا۔ اس کے ساتھ ساتھ ملکی استحکام کے تحفظ اور ادارہ جاتی مضبوطی کے لیے تمام تر کوششیں جاری رکھی جائیں گی۔
امریکی نائب صدر جے ڈی وینس اہم مذاکرات میں شرکت کے لیے پاکستان روانہ ہو…
فرانسیسی توانائی کمپنی ٹوٹل اینرجیز نے تصدیق کی ہے کہ مشرقِ وسطیٰ میں جاری کشیدگی…
امریکی نائب صدر جے ڈی وینس ایران کے ساتھ جاری غیر مستحکم جنگ بندی کو…
ایران کے نئے سپریم لیڈر مجتبیٰ خامنہ ای نے کہا ہے کہ اسلامی جمہوریہ ایران…
بھارت سے سکھ یاتریوں کا ایک بڑا قافلہ بیساکھی کے تہوار میں شرکت کے لیے…
پاکستان بحریہ نے شمالی بحیرہ عرب میں ایک ہنگامی کارروائی کے دوران تباہ حال تجارتی…