پاکستان میں جدید انفارمیشن ٹیکنالوجی (آئی ٹی) کے فروغ اور نئی نسل کی رہنمائی کیلئے ای کامرس گیٹ وے کے تحت تین روزہ آئی ٹی سی این ایشیاء 2022 کا ایکسپو سینٹر کراچی میں آغاز ہوگیا۔ نمائش 26 اگست تک جاری رہے گی۔ وفاقی وزیر آئی ٹی و ٹیلی کمیونیکیشن سید امین الحق نے آئی ٹی سی این ایکسپو 2022 کا افتتاح کرتے ہوئے کہا کہ وزیراعظم کی خصوصی ہدایات پر آئیندہ چند برسوں میں آئی ٹی ایکسپورٹ کو پندرہ ارب ڈالر تک لے جانے کا ہدف مقرر کیا گیا ہے جبکہ اگلے سال تک آئی ٹی ایکسپورٹ کیلئے 5 ارب ڈالرز کا ہدف مقرر کیا ہے مزید یہ کہ انڈسٹری کیلئے ریفارمز، ٹیکسز میں کمی سمیت دیگر سفارشات پر کام کررہے ہیں۔
انہوں نے کہا کہ سائبر سکیورٹی پالیسی اور پرسنل ڈیٹا پروٹیکشن پر کام مکمل ہوچکا ہے۔ وفاقی وزیرنے اکیسویں آئی ٹی سی این نمائش سے خطاب کرتے ہوئے کہا کہ کراچی میں 31 ارب روپے کی لاگت سے آئی ٹی پارک کے قیام کیلئے تمام ابتدائی مراحل طے کرلیئے گئے ہیں جلد ہی اس کا سنگ بنیاد رکھیں گے۔
انہوں نے کہا کہ سندھ یونیورسٹی کے تعاون سے حیدرآباد کی مختلف درسگاہوں میں آئی ٹی تربیت کا آغاز کیا گیا ہے۔ وفاقی وزیر برائے انفارمیشن ٹیکنالوجی و ٹیلی کمیو نیکیشن کا کہنا تھا کہ پاکستان کو کرائم فری اسٹیٹ بنانے کیلئے آئی ٹی سرولینس ڈیٹا مرتب کررہے ہیں۔ انہوں نے کہا کہ اسمارٹ پولیسنگ کے نام سے وزارت آئی ٹی کے اہم منصوبے کو ملک بھر میں توسیع دی جارہی ہے جس میں پولیس کے نظام اور مجرموں کے کوائف کو کلی طور پر کمپیوٹرائزڈ کیا جارہا ہے۔
سید امین الحق نے کہا کہ شہر میں بارشوں کے بعد صفائی ستھرائی، سڑکوں کی حالت زار کا احساس ہے۔ شک نہیں کہ کراچی کے عوام بدترین حالات سے گزر رہے ہیں، شہر و شہریوں کے ریلیف کیلئے ہر فورم پر بات کررہے ہیں۔
سندھ و بلوچستان میں بارش و سیلاب کی تباہ کاریوں، جانی و مالی نقصانات قومی سانحہ ہے۔ سیاسی اختلافات کو بالائے طاق رکھ کر تمام جماعتیں اس مشکل وقت میں متاثرین کی بحالی کا کام کریں۔
ای کامرس گیٹ وے کے تحت تین روزہ اکیسویں آئی ٹی سی این نمائش میں اس کئی اہم موضوعات پر سیمینارز میں بین القوامی شہرت کے حامل آئی ٹی، کریپٹو، ای کامرس، سافٹ ویئر، اسٹارٹ اپس، روبوٹکس، ایڈ ٹیک اور ریٹیل ٹیک ماہرین اپنے تجربات کا اعادہ کرینگے۔
چار ہالز پر مشتمل اکیس ویں آئی ٹی سی این نمائش و کانفرنس میں اس سال 800 کمپنیوں کے 1500 سے زائد بین القوامی برانڈز مشتہر کئے جارہے ہیں جبکہ 100 سے زائد اسٹارٹ اپس کے مواقع بھی میسر ہیں۔ نمائش کے آرگنائزر ای کامرس گیٹ وے کے نائب صدر عمیر نظام کا کہنا ہے کہ اکیس ویں آئی ٹی سی این نمائش اس سال کئی حوالوں سے انفرادیت کی حامل ثابت ہوگی۔ انہوں نے کہا کہ کورونا کی وباء اور دنیا کی بدلتی ہوئی ترجیحات کے پیش نظر پاکستان کی نئی نسل کی کاؤنسلنگ اور برآمدات میں اضافے کیلئے یہ نمائش حوصلہ افزاء ثابت ہوگی۔ عمیر نظام نے اس سال نمائش میں 50 ہزار سے زائد افراد کی توقع ظاہر کی ہے۔ نمائش میں روبوٹکس کے دلچسپ مقابلوں کا بھی اہتمام کیا گیا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…