فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے صدر میاں ناصر حیات مگوں نے مطالبہ کیا ہے کہ وفاقی حکومت پنجاب تھرمل کے ذریعہ جھنگ میں قائم کئے جانے والے نئے 1263 میگاواٹ بجلی گھر کی تنصیب کی منظوری کے پیچھے وجوہات کی وضاحت پیش کرے۔
اس نئے پلانٹ کی پیداواری لاگت درآمدشدہ RLNG پر 6 سینٹ امریکی ڈالر فی کلو واٹ ہوگی، جبکہ HSD پر پیداوار کرتے وقت 11 سینٹ امریکی ڈالر فی کلو واٹ تک لاگت آسکتی ہے۔
دوسری طرف، حکومت ونڈ انر جی اور شمسی توانائی پر مبنی ماحول دوست قابل تجدید توانائی پاور پلانٹس کے قیام کی اجازت نہیں دے رہی ہے۔ جس کی قیمت صرف 3.5 سینٹ امریکی ڈالر فی کلو واٹ ہوگی۔
اس اقدام سے پہلے سے ہی ناقابل برداشت سرکلرڈیٹ میں مزید اضافہ ہوگا۔
مزید برآں،درآمدی بل میں اضافہ ہوگا اور اس کے نتیجے میں مہنگی بجلی پیدا ہوگی اور نتیجتاً کاروبار کرنے کی لاگت میں اضافہ ہوگا۔ یہ قابل غور ہے کہ ہوا اور شمسی پلانٹس کو درآمدی ایندھن کی ضرورت نہیں ہوتی ہے اور درآمدی بل یا زر مبادلہ کی شرح پر کوئی بوجھ نہیں پڑتا ہے۔
میاں ناصر حیات مگو ں ہوا اور شمسی توانائی منصوبوں کو جان بوجھ کر روکنے اور حوصلہ شکنی کا حوالہ دے رہے تھے، جنہیں حال ہی میں نیپرا کے ذریعہ پاکستان کے سب سے کم بجلی کے نرخ پر اوسطا 3.5 سینٹ امریکی ڈالر فی کلو واٹ سے 12 منصوبوں کو 670 میگاواٹ کے لیے نر خ دیا گیا تھااور اس کے نتیجے میں 470 ملین ڈالر کی بیرونی سر مایہ کاری بھی ہو نی ہے۔
مزید یہ کہ صدر ایف پی سی سی آئی نے موجودہ حالات میں حکومت کو خبردار کیا ہے کہ اس نئے پاور پلانٹ کی تنصیب سے دوسرے آئی پی پیز کی طرح ایک نیا اسکینڈل آجائے گا جن کو اب احتساب کی موسیقی کا سامنا ہے۔
انہوں نے اس منصوبے میں ذاتی مفادات کے کردار کی بھی مذمت کی۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…