وزیراعلیٰ پنجاب مریم نواز شریف نے چاند رات کے موقع پر صوبے بھر میں سکیورٹی کے سخت انتظامات کرنے کی ہدایت جاری کر دی ہے۔ انہوں نے واضح کیا ہے کہ عوامی تحفظ پر کسی قسم کا سمجھوتہ نہیں کیا جائے گا۔
مریم نواز نے بس اڈوں، ٹرانسپورٹ کے مراکز اور تجارتی مارکیٹوں میں سکیورٹی کو مزید بڑھانے کا حکم دیا ہے۔ بازاروں میں اضافی نفری تعینات کی جائے گی جبکہ خواتین اور بچوں کو ہراساں کرنے کے واقعات کی روک تھام کے لیے خواتین پولیس کے خصوصی دستے گشت کریں گے۔
نگرانی کے نظام کو جدید خطوط پر استوار کرنے کے لیے ڈرون کیمروں اور نائٹ ویژن آلات کا استعمال لازمی قرار دیا گیا ہے۔ ون ویلنگ سمیت کسی بھی قسم کی غفلت اور قانون شکنی کرنے والوں کے خلاف فوری کارروائی کی جائے گی۔
وزیراعلیٰ نے بینکوں اور اے ٹی ایمز کے اطراف سکیورٹی کو مزید سخت کرنے کی ہدایت کی ہے۔ پولیس اور ٹرانسپورٹ حکام کو بس اڈوں اور ٹرمینلز پر مسلسل نگرانی رکھنے کا حکم دیا گیا ہے۔
عوامی سہولت کے پیش نظر ٹرانسپورٹ کرایوں میں شفافیت یقینی بنانے کے لیے بس اور ویگن آپریٹرز کو پابند کیا گیا ہے کہ وہ کرایہ نامے گاڑیوں کے ونڈ اسکرین پر نمایاں طور پر آویزاں کریں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…