وفاقی وزیر برائے بحری امور محمد جنید انور چوہدری نے کراچی پورٹ پر غیر ملکی ٹرانز شپمنٹ جہازوں کے لیے ایک وسیع تر مراعاتی پیکیج کا اعلان کر دیا ہے۔ اس نئے منصوبے کا اطلاق 18 مارچ 2026 سے ہوگا۔
کراچی پورٹ ٹرسٹ میں منعقدہ ایک اجلاس کی صدارت کرتے ہوئے وفاقی وزیر نے بتایا کہ ڈرائی بلک ایکسپورٹ کارگو پر ڈیوٹیز اور چارجز میں 60 فیصد تک کمی کر دی گئی ہے۔ اس کے علاوہ ٹرانز شپمنٹ کارگو کی کم از کم حد کو 10 فیصد سے کم کر کے 7 اعشاریہ 5 فیصد مقرر کیا گیا ہے۔
نئے پیکیج کے تحت بیس ڈسکاؤنٹ کو 5 فیصد سے بڑھا کر 20 فیصد کر دیا گیا ہے جبکہ اضافی کارگو لانے پر مزید 5 فیصد رعایت دی جائے گی۔ شپنگ لائنز کی جانب سے زیادہ جہاز لانے کی صورت میں خصوصی مراعات میں بھی اضافہ کیا گیا ہے۔
جنید انور چوہدری نے مزید بتایا کہ 50 فیصد جی آر ٹی ٹرانز شپمنٹ کارگو پر 60 فیصد فلیٹ ڈسکاؤنٹ دیا جائے گا اور بڑے کنٹینر بردار جہازوں کے وزن کے چارجز میں 50 فیصد تک کمی کی گئی ہے۔ ماحول دوست ایندھن استعمال کرنے والے جہازوں کے لیے 5 فیصد اضافی رعایت کا اعلان بھی کیا گیا ہے۔
وفاقی وزیر کا کہنا تھا کہ ان اقدامات کا مقصد کراچی پورٹ کو عالمی شپنگ کے لیے ایک کفایت شعار اور فعال گیٹ وے بنانا ہے۔ ان اصلاحات سے ملکی اور غیر ملکی میری ٹائم آپریشنز میں سہولت پیدا ہوگی اور برآمدات کے ساتھ ساتھ ٹرانز شپمنٹ کی سرگرمیوں کو بھی فروغ ملے گا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…