صوبائی وزیر اطلاعات پنجاب عظمیٰ بخاری کا کہنا ہے کہ رمضان پیکیج کی تقسیم کا عمل کامیابی کے ساتھ مکمل کر لیا گیا ہے جس کے تحت کروڑوں مستحقین تک امداد انتہائی وقار کے ساتھ پہنچائی گئی۔
لاہور میں جاری اپنے بیان میں وزیر اطلاعات نے کہا کہ پنجاب حکومت نے رمضان نگہبان پیکیج کے اہداف کو مؤثر طریقے سے حاصل کیا ہے۔ اس منصوبے کے تین اہم ستونوں میں امدادی کارڈز کی فراہمی، دسترخوان اور سہولت بازاروں کا قیام شامل تھا۔
عظمیٰ بخاری نے وضاحت کی کہ لاکھوں مستحق افراد کو ان کی دہلیز پر امدادی کارڈز پہنچائے گئے تاکہ کسی بھی شہری کی عزت نفس مجروح نہ ہو۔ اربوں روپے مالیت کے اس رمضان پیکیج کو شفافیت کے اعلیٰ معیارات کے مطابق مکمل کیا گیا ہے۔
وزیر اطلاعات نے مزید کہا کہ وزیراعلیٰ پنجاب مریم نواز ایک شفیق ماں کی طرح عوام کی خدمت کر رہی ہیں۔ مریم کی دسترخوان کے ذریعے روزانہ ہزاروں شہریوں نے اپنا روزہ افطار کیا، جو صوبے میں عوامی فلاح و بہبود کے نئے باب کا آغاز ہے۔
ان کا مزید کہنا تھا کہ وزیراعلیٰ مریم نواز نے پنجاب کے وزراء اور افسران کی تربیت کی ہے کہ وہ عوام کی خدمت کو اپنا مشن بنائیں۔ گزشتہ ادوار میں عوام امداد کی تلاش میں مارے مارے پھرتے تھے، تاہم اب حکومتی وسائل شہریوں کے دروازوں پر پہنچ رہے ہیں جو کہ ایک حقیقی تبدیلی اور عوامی خدمت کا انقلاب ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…